१ भद्र ,धादिङ। आज धादिङमा थप ९० जनामा डेङ्गी संक्रमण पुष्टि भएको छ।
डेंगु संक्रमण पुष्टि हुनेहरुमा नीलकण्ठ नगरपालिकाकामा ६६ जना, बेनिघाट रोराङ गाउपालिकामा १५ जना, सिद्धलेकका ४ जना,ज्वालामुखी गाउपालिकामा २ जना, नेत्रावती डबजोङ,खनियाबास र रुबीभ्यालीमा १/१ जना रहेको स्वास्थ्य कार्यालय धादिङले जनाएको छ। जसमा ४३ जना पुरुष र ४७ जना महिला गरी ९० जना डेङ्गीका बिरामी रहेका छन्।
डेंगु संक्रमण जोखिमको मौसम सुरु भएसँगै स्वास्थ्य कार्यलय धादिङ र स्थानीय तहहरुले सुरक्षित रहन आग्रह गर्दै आएका छन् ।
त्यस्तै पछिल्लो समय डेंगुको संक्रमण बढ्दै जान थालेपछि स्थानीय तहरुले लामखुट्टेको वासस्थानको खोजी गरेर नष्ट गर्ने कार्यक्रम समेत गरिरहेका छन्
