यी प्रदेशमा आज वर्षाको सम्भावना

काठमाडौँ : हाल मनसुनको न्यूनचापीय रेखा पूर्वमा सरदर स्थानभन्दा दक्षिणतर्फ तथा पश्चिममा सरदर स्थानको आसपास अवस्थित रहेको मौसम पूर्वानुमान महाशाखाले जनाएको छ। यसको प्रभावले देशभर साधरणतया बदली रहेको छ। कोशी, बागमती र गण्डकी प्रदेशका थोरै स्थानतथा सुदूरपश्चिम प्रदेशका एकदुई स्थानमा हल्का वर्षा भइरहेको छ।

आज दिउँसो देशभर साधरणतया बदली रहनेछ। कर्णाली र सुदूरपश्चिम प्रदेशको तराई र पहाडी भूभागका केही, बागमती र गण्डकी प्रदेश लगायत बाँकी पहाडी भूभागका थोरै तथा तराई भूभागका एक-दुई स्थानमा मध्यम वर्षाको सम्भावना महाशाखाले जनाएको छ।

राति देशभर साधरणतया बदली रहनेछ। सबै प्रदेशका पहाडी भूभागका केही र तराई भूभागका थोरै स्थानहरूमा मध्यम वर्षाको सम्भावना छ।