महादेवबेशीमा रहेको एक पसलमा ग्यास लिक भएर आगलागी  

थाक्रे: थाक्रे गाउँपालिका वडा नं. ६ स्थित महादेवबेशी स्वास्थ्य चौकी नजिक रहेको दिनेश तामाङको पसलमा ग्यास लिक भई आगलागी भएको छ।

आगलागीको जानकारी प्राप्त हुनासाथ धुनिबेशी नगरपालिकाको दमकल टोली, नेपाल प्रहरी तथा स्थानीय बासिन्दा घटनास्थलमा पुगेर संयुक्त रूपमा आगो नियन्त्रणमा लिएका छन्।

समयमै दमकल, प्रहरी र स्थानीयवासीको सक्रियताका कारण आगलागी थप फैलिन नपाई नियन्त्रणमा आएको बताइएको छ। घटनाबाट भएको क्षतिको विवरण तथा आगलागीको कारणबारे थप जानकारी आउँ बाकि रहेको छ।