सुनचाँदीको मूल्यमा उच्च वृद्धि, सुन तोलामा ३ हजार ६०० रुपैयाँले बढ्यो

काठमाडौं :  साताको अन्तिम कारोबार दिन शुक्रबार नेपाली बजारमा सुनचाँदीको मूल्यमा उल्लेख्य वृद्धि भएको छ।

नेपाल सुनचाँदी व्यवसाय महासंघका अनुसार शुक्रबार सुनको मूल्य प्रतितोला ३ हजार ६०० रुपैयाँले बढेको छ। मूल्य बढेसँगै सुन प्रतितोला ३ लाख ३ हजार १०० रुपैयाँ पुगेको छ। बिहीबार सुन प्रतितोला २ लाख ९९ हजार ५०० रुपैयाँमा कारोबार भएको थियो।

त्यस्तै, चाँदीको मूल्य पनि शुक्रबार प्रतितोला १५० रुपैयाँले बढेको छ। मूल्य बढेसँगै चाँदी प्रतितोला ४ हजार ७७५ रुपैयाँ पुगेको छ।

नेपालमा सुनचाँदीको मूल्य अन्तर्राष्ट्रिय बजारमा हुने मूल्यको उतारचढावका आधारमा निर्धारण गर्ने गरिएको छ।