देशका अधिकांश जिल्लामा बर्डफ्लु नियन्त्रणमा, काठमाडौं उपत्यका र काभ्रेपलाञ्चोकमा अझै जोखिम कायम

बर्डफ्लु संक्रमण देशका अधिकांश जिल्लामा नियन्त्रणमा आए पनि काठमाडौं उपत्यका र काभ्रेपलाञ्चोकमा भने जोखिम अझै कायम रहेको छ।

पशु सेवा विभागका अनुसार झापा, मोरङ, सुनसरी, महोत्तरी, बारा, चितवनलगायत जिल्लामा बर्डफ्लु संक्रमण पूर्ण रूपमा नियन्त्रणमा आइसकेको छ। तर काठमाडौं उपत्यका र काभ्रेपलाञ्चोकमा संक्रमणको जोखिम अझै रहेकाले सतर्कता अपनाइएको विभागले जनाएको छ।

विभागले उच्च जोखिम भएका क्षेत्रमा निगरानीलाई थप प्रभावकारी बनाइएको तथा आवश्यक नियन्त्रण तथा रोकथामका उपायहरू निरन्तर लागू गरिएको जनाएको छ।