१० भाद्र , थाक्रे । महाङ्कालेश्वरी माध्यमिक विद्यालयमा पूर्व विद्यार्थी भेटघाट तथा चियापान कार्यक्रम भएको छ।
धादिङको थाक्रे गाउपालिका ८ मा रहेको महाङ्कालेश्वरी माध्यमिक विद्यालयमा शनिबार भूतपूर्व विद्यार्थी समूहको आयोजनामा पूर्व विद्यार्थी भेटघाट तथा चियापान कार्यक्रम भएको हो।
“सबैको साथ, हातमाथी हात” भन्ने भनाइलाई आत्मसाथ गर्दै २०१७ साल देखि हाल सम्म अध्यन गर्ने विद्यार्थी तथा अध्यापन गराउनुहुने शिक्षक शिक्षिकाहरुको उपस्थितमा उक्त कार्यक्रम गरिएको हो।
पुर्ब बिद्यार्थीलाई यौटै छानामुनि जोड्न र आफ्नो आफ्नो ठाउँमाबाट विद्यालयलाइ उत्कृष्ट बनाउने उदेश्यले गरिएको कार्यक्रममा ॐ साईबाबा हस्पिटलको सस्थापक अध्यक्ष तथा पूर्व विद्यार्थी दयाराम कार्कीले पाँच जना छात्र तथा छात्रालाई दश कक्षासम्मको निशुल्क पढाईदिने छात्रवृत्ति ब्यबस्था गर्ने प्रतिबद्दता समेत जाउनु भएको छ। त्यस्तै बिभिन्न पूर्व विद्यार्थीहरुले विद्यालयलाइ आआफ्नो तर्फबाट गर्न सक्ने सहयोग गर्ने जनाएका छन् भने कार्यक्रममा लामो समय सम्म अध्यापन गराएर महत्वपूर्ण भूमिका खेल्नुहुने पुर्व शिक्षकलाइ सम्मान समेत गरेको हो।
