धादिङमा आज थप ७३ जनामा डेँगु संक्रमण पुष्टि, एकको मृत्यु

३२ साउन २०८०।     धादिङमा आज थप ७३ जनामा डेँगु संक्रमण पुष्टि भएको छ भने एक जनाको मृत्यु भएको छ ।
डेंगु संक्रमण पुष्टि हुनेहरुमा नीलकण्ठ नगरपालिकामा ६४ जना, सिद्धलेकमा ५ जना, ज्वालामुखीमा २ जना, गजुरीको १ जना र अन्य जिल्लाको १ जना गरि ७२ जना रहेको स्वास्थ्य कार्यलय धादिङले जनाएको छ ।
यो सँगै धादिङमा डेंगु संक्रमित संख्या १ हजार ७सय ५५ जना र १ जनाको मृत्यु भएको छ । मृत्यु हुनेमा ज्वालामुखी निवासी ७२ वर्षिय महिलालाई जटिल भएपछि जिल्ला अस्पताल धादिङबाट काठमाडौं रिफर गरिएको र ति महिलाको त्रिवि शिक्षण अस्पतालमा मृत्यु भएको स्वास्थ्य कार्यालय धादिङले जनाएको छ ।
डेंगु संक्रमण जोखिमको मौसम सुरु भएसँगै स्वास्थ्य कार्यलय धादिङ र ,स्थानीय तहहरुले सुरक्षित रहन आग्रह गर्दै आएका छन् ।
त्यस्तै पछिल्लो समय डेंगुको संक्रमण बढ्दै जान थालेपछि स्थानीय तहरुले लामखुट्टेको वासस्थानको खोजी गरेर नष्ट गर्ने कार्यक्रम समेत गरिरहेका छन्