धादिङ : एकीकृत सामुदायिक विकास अभियान (ICDC–Nepal) को २९औँ वार्षिक साधारण सभा तथा १०औँ अधिवेशन सम्पन्न भएको छ।
सभामा संस्थाले एक वर्षको अवधिमा सञ्चालन गरेका विभिन्न कार्यक्रम तथा गतिविधि, हासिल गरेको प्रगति र आगामी कार्ययोजनाका विषयमा छलफल गरिएको थियो। साथै, समुदायको सामाजिक तथा आर्थिक विकासका क्षेत्रमा संस्थाले सञ्चालन गर्दै आएका कार्यक्रमलाई आगामी दिनमा थप प्रभावकारी बनाउने विषयमा समेत छलफल भएको जनाइएको छ।
अधिवेशनले प्रदीप कोइरालाको अध्यक्षतामा ९ सदस्यीय नयाँ कार्यसमिति चयन गरेको छ। समितिको उपाध्यक्षमा गोपाल गुरुङ, सचिवमा कविता छत्कुली, सह–सचिवमा अञ्जु श्रेष्ठ र कोषाध्यक्षमा सीतीदेवी खनाल चयन हुनुभएको छ।
त्यस्तै, सदस्यहरूमा वमबहादुर थापा मगर, पम्फा मगराती, केशव नेपाल र विष्णुहरि लम्साल चयन हुनुभएको छ।
समुदायको सामाजिक, आर्थिक तथा समग्र विकासका लागि विभिन्न कार्यक्रम सञ्चालन गर्दै आएको ICDC–Nepal ले आगामी कार्यकालमा पनि समुदायकेन्द्रित कार्यक्रमलाई निरन्तरता दिँदै संस्थाका गतिविधिलाई थप प्रभावकारी बनाउने जनाएको छ।
