आज देशका बिभिन्न स्थानमा वर्षाको सम्भावना

काठमाडौंः देशका केही स्थानमा आज वर्षाको सम्भावना रहे पनि भारी वर्षाको पूर्वानुमान छैन। जल तथा मौसम विज्ञान विभागका अनुसार कोसी, मधेस, वाग्मती, गण्डकी, लुम्बिनी र सुदूरपश्चिमका केही स्थानमा मेघगर्जन÷चट्याङसहित हल्कादेखि मध्यम वर्षा हुने सम्भावना छ।

हिमाली र पहाडी भूभागमा पनि मध्यम वर्षा तथा हिमपातको सम्भावना रहेको विभागले जनाएको छ। राति पनि कोसी, वाग्मती र गण्डकीसहित केही प्रदेशका पहाडी तथा हिमाली क्षेत्रमा वर्षा हुने अनुमान छ।

हाल देशभर मनसुनी वायुको प्रभाव रहेको र मनसुनको न्यूनचापीय रेखा सरदर स्थान आसपास रहेको विभागले जनाएको छ।