काठमाडौंः आज स्थानीय बजारमा सुनको मूल्यमा केही कमी आएको छ भने चाँदीको मूल्य बढेको छ। हिजोको तुलनामा सुन प्रतितोला ५ सय रुपैयाँले घटेको छ भने चाँदी १५ रुपैयाँले बढेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख १४ हजार ९ सय रुपैयाँ कायम भएको छ भने चाँदी प्रतितोला ५ हजार ७ सय ४० रुपैयाँ निर्धारण गरिएको छ। हिजो छापावाल सुन प्रतितोला ३ लाख १५ हजार ४ सय र चाँदी प्रतितोला ५ हजार ७ सय २५ रुपैयाँ कायम भएको थियो।
गत बुधबार छापावाल सुन प्रतितोला ३ लाख १४ हजार ९ सय र चाँदी प्रतितोला ५ हजार ५ सय ८५ रुपैयाँ निर्धारण गरिएको थियो। त्यसैगरी, गत सोमबार छापावाल सुन प्रतितोला ३ लाख १३ हजार ५ सय र चाँदी प्रतितोला ५ हजार ५ सय ९५ रुपैयाँमा कारोबार भएको थियो।
अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन ५ हजार १ सय ८७ अमेरिकी डलर तथा सोही परिमाणको चाँदी ९० अमेरिकी डलरमा कारोबार भइरहेको छ।
