थाक्रेमा मानसिक स्वास्थ्यबारे २ दिने तालिम सम्पन्न

थाक्रे, धादिङ :  थाक्रे गाउँपालिकामा कार्यरत महिला सामुदायिक स्वास्थ्य स्वयंसेविकाहरूलाई लक्षित गरी मानसिक स्वास्थ्यसम्बन्धी मोड्युल ४ को दुई दिने तालिम सम्पन्न भएको छ।

जनस्वास्थ्य कार्यालय धादिङको आयोजना र थाक्रे गाउँपालिकाको समन्वयमा सम्पन्न उक्त तालिममा समुदायमा रहेका मानसिक समस्या भएका व्यक्तिहरूलाई कसरी पहिचान गर्ने, स्वास्थ्य शिक्षा दिने र उपचारमा सहयोग गर्ने जस्ता विषयमा व्यवहारिक जानकारी गराइएको थियो ।

तालिममा गाउँपालिकाभित्रका ३८ जना महिला स्वास्थ्य स्वयंसेविकाहरू सहभागी रहेको समापन समारोहमा बोल्दै गाउँपालिकाका प्रमुख प्रशासकीय अधिकृत बमबहादुर केसीले “स्वास्थ्य सबैभन्दा महत्त्वपूर्ण विषय हो, यसलाई सामान्य रूपमा लिनु हुदैन,” भन्दै पालिकाले स्वास्थ्य क्षेत्रलाई उच्च प्राथमिकता दिँदै पर्याप्त बजेट विनियोजन गरेको जानकारी दिनुभयो।

पालिकाको सभा हलमा सम्पन्न तालिम समापन कार्यक्रममा जनस्वास्थ्य कार्यालयका निमित्त प्रमुख जितेन्द्र कुमार शाह, किरण कुमार नगरकोटी, विरधोज घर्तीमगर, र मुना श्रेष्ठको उपस्थिति रहेको थियो।

स्वास्थ्य शाखा थाक्रेका प्रमुख कमल कुमार अधिकारीको संयोजनमा सञ्चालित तालिममा सि.अ.हे.ब. सुरेशनाथ प्याकुरेल र पुष्पेन्द्र कुमार यादवले सहजीकरण गर्नुभएको थियो।