नेकपा एस धादिङकाे जिल्ला अधिवेशन मंसिर १२ र १३ गते हुने

धादिङ:    नेपाल कम्युनिस्ट पार्टी (एकीकृत समाजवादी) धादिङ जिल्ला कमिटीको शनिबार बसेको पूर्ण बैठकले मङ्सिर १२ र १३ गते जिल्ला अधिवेशन गर्ने निर्णय गरेको छ।

केन्द्रीय उपाध्यक्ष राजेन्द्र पाण्डेको प्रमुख आतिथ्यतामा सम्पन्न बैठकले आगामी कात्तिक महिनाभर गाउँपालिका अधिवेशन सम्पन्न गरी मङ्सिर दोस्रो साता जिल्ला अधिवेशन गर्ने कार्यतालिका तय गरेको जनाइएको छ।
बैठकमा पार्टी संगठन सुदृढीकरण, अधिवेशन तयारी तथा स्थानीयस्तरमा नेतृत्व चयन लगायतका विषयमा समेत विस्तृत छलफल भएको जनाइएको छ ।