थाक्रेमा विज्ञान तथा प्रविधि अध्यापन गराउने शिक्षकहरुका लागि क्षमता अभिवृद्धि सम्बन्धी पाँच दिने तालिम सम्पन्न

थाक्रे गाउँपालिकामा संचालित सामुदायिक विद्यालयका माध्यमिक तह र आधारभूत तहमा विज्ञान तथा प्रविधि अध्यापन गराइरहेका रहेका विषय शिक्षकहरुको लागि ५ दिने क्षमता अभिवृद्धि तालिम सम्पन्न भएको छ ।

तालिम साउन २८ गते थाक्रे गाउँपालिकाको अध्यक्ष राम कुमार आर्चायको अध्यक्षतामा शुरु भएको थियो भने समापन पनि उहाँकै अध्यक्षतामा समापन भएको छ । यो तालिम विज्ञान तथा प्रविधि विषयको सिकाई उपलब्धिमा सुधार ल्याउने र विषयगत शिक्षकको क्षमता अभिवृद्धि गर्ने उद्देश्यका साथ संचालन गरिएको हो । तालिम गाउपालिकाको सभाहलमा भएको हो।

तालिममा २६ जना विषयगत विज्ञान तथा प्रविधि शिक्षकहरुको सहभागिता रहेको थियो । तालिममा मुख्यतया विज्ञान तथा प्रविधि विषय पढाउँदा आइपरेका समस्या र समाधान, विज्ञान तथा प्रविधि शिक्षण सिकाई विधि, शिक्षण सामग्री तयारी र प्रयोग, कक्षाकोठा व्यावस्थापन, विज्ञान तथा प्रविधि विषयको पाठ्यक्रम, सिकाई उपलब्धि, सिकाई सक्षमता, नतिजा विश्लेषण, विशिष्टिकरण तालिका, प्रश्न पत्र निर्माण, उत्तर कुञ्जीका तयारी, उत्तरपुस्तिका परिक्षण, विद्यार्थिको प्राकिटिकल व्यावहारि, आन्तरीक÷परियोजना कार्यको मुल्यांकन विधि र अभ्यास आदि विषयबस्तुहरुमा प्रशिक्षण भएको थियो ।

उक्त तालिमले पालिकाभरी एकरुपता हुने साथै सिकाई उपलब्धिमा सुधार ल्याउन सहयोग पुग्ने छ । तालिमको सहजिकरण मिना श्रेष्ठले   गर्नु भएको थियो । तालिममा सहभागिहरुलाई सहभागिताको प्रमाण पत्र पनि वितरण गरिएको थियो ।

तालिम समापन गर्नुहुदै थाक्रे गाउँपालिकाका अध्यक्ष रामकुमार आचार्यले यस तालिम बाट शिक्षकहरु बिधयालय फर्किसकेपछि अब यस विषयमा अझ राम्रो हुदै जाने बिस्वास लीएको बताउनु भयो।