सरकारी कर्मचारीलाई अब १५ दिनमै तलब

काठमाडौँ : सरकारले अबदेखि सरकारी कर्मचारीहरूलाई पाक्षिक रूपमा तलब–भत्ता उपलब्ध गराउने निर्णय गरेको छ।

यस नयाँ व्यवस्था कार्यान्वयनका लागि अर्थ मन्त्रालयले महालेखा नियन्त्रक कार्यालयलाई पत्र पठाएको छ। यसअघि सरकारी कर्मचारीहरूको तलब–भत्ता मासिक रूपमा, महिना समाप्त भएपछि भुक्तानी गरिँदै आएको थियो।

अर्थ मन्त्रालयका सहसचिव डा. सुमन दाहालका अनुसार कर्मचारीलाई समयमै सुविधा उपलब्ध गराउने उद्देश्यले पाक्षिक भुक्तानी प्रणाली लागू गरिएको हो।