थाक्रेमा सृष्टि फाउन्डेसन नेपाल द्वारा १ महिने स्कुटी तालिम सुरु ।

धादिङको थाक्रे गाउपालिकामा सृष्टि फाउन्डेसन नेपालले” मेराे दक्षता मेराे जीत , एक युवा महिला एक ड्राइभिङ सीप ” भन्ने कार्यक्रम अन्तर्गत आज शुक्रबार बाट १ महिने स्कुटी ड्राइभिङ तालिम थाक्रे ६ महादेवेशीमा सुरु गरेको छ ।

थाक्रे गाउँपालिका अध्यक्ष राम कुमार आचार्यले उद्घाटन गर्नुभएको तालिममा शान्ता हमालले तालिमको सहजीकरण गर्ने आयोजकले जानकारी दिएको छ । सृष्टि फाउन्डेसन नेपालले सन्चालन गरेको उक्त तालिममा पहिलो १ महिनामा कम्तिमा २० जना लाई ड्राइभिङ सीप सिकाइने सृष्टि फाउन्डेसन नेपालका अध्यक्ष अम्बिका रुपाखेतिले बताउनु भयो । सृष्टि फाउन्डेसन नेपाल २०७९ भदौ ६ गते जिल्ला प्रसाशन कार्यलय धादिङ मा दर्ता भइ थाक्रे २मा स्थापना भएको छ।