थाक्रेमा सुरक्षित मातृत्व सेवा अन्तर्गत ग्रामीण अल्ट्रासाउन्ड कार्यक्रम सम्पन्न

धादिङ:   धादिङको थाक्रेमा सुरक्षित मातृत्व सेवा अन्तर्गत गर्भवती महिलाहरु का लागि ग्रामीण अल्ट्रासाउन्ड सेवा कार्यक्रम सम्पन्न भएको छ।

थाक्रे गाउपालिका स्वास्थ्य शाखाको बार्षिक कार्य तालिका अनुसार सुरक्षित मातृत्व सेवा अन्तर्गत गर्भवती महिलाहरु का लागि ग्रामीण अल्ट्रासाउन्ड सेवा कार्यक्रम यहि मङ्सिर ९ गते देखि शुरु गरिएको उक्त कार्यक्रम १३ गते सम्पन्न भएको हो।

थाक्रे गाउपालिका का ५ वटा स्वास्थ्य सस्थामा सञ्चालन गरिएको उक्त कार्यक्रममा ४० जना गर्भवती महिलाहरु ले सेवा लिएका थिए । तीमध्ये १ जना गर्भवती महिलामा समस्या देखिएको ले थप जाँच को लागी काठमाडौं रेफर गरिएको छ। प्रत्येक आर्थिक बर्ष मा ३-३ महिना को अन्तरालमा थाक्रे गाउँ पालिका भित्रका गर्भवती आमा हरुलाइ गाउपालिका अन्तर्गत का स्वास्थ्य चौकी र आधारभुत स्वास्थ्य केन्द्र बाट ग्रामीण अल्ट्रासाउन्ड सेवा प्रदान गर्दै आएको ग्रामीण अल्ट्रासाउन्ड सेवा प्रदायक सि अ न मी संगीता पाख्रीनले टोलटोलको खबर डटकम लाइ जानकारी दिनु भयो।

ग्रामीण अल्ट्रासाउन्ड सेवा ले गर्भ भित्रको शिशु को वृद्धि र बिकास सहि तरिकाले भए नभएको एकिन गर्न मदत गर्दछ साथै गर्भ सङ्ग सम्बन्धित विभिन्न समस्याहरुको पहिचान गरि समयमै माथिल्लो निकायमा थप स्वास्थय उपचार को लागि प्रेषण गर्नाले गर्भ , प्रसब र प्रसुती सम्बन्धि जटिलता हरुको न्यूनीकरण एबम ब्यबाथापन गर्न साथै यस कार्यक्रम ले नबजात शिशु मृत्यु दर र मातृ मृत्युदर समेत घटाउन सहयोग पुगेको पाख्रीनको भनाइ छ।