राष्ट्रपति पौडेल अस्वस्थ, मनमोहन कार्डियो सेन्टर पुर्‍याइयाे

काठमाडौं : जेनजी युवाहरूसँग छलफल गर्दागर्दै राष्ट्रपति रामचन्द्र पौडेल अस्वस्थ हुनु भएको छ । अस्वस्थ भएपछि उहा लाई अस्पताल लगिएको छ।

राष्ट्रपतिसँग छलफल गर्न भन्दै २२ जना जेन-जी अगुवा बिहान शीतलनिवास पुगेका थिए। तर उनीहरूसँग छलफल गर्दागर्दै राष्ट्रपति पौडेललाई स्वास्थ्यमा समस्या देखिएपछि हाल त्रिवि शिक्षण अस्पताल परिसरमा रहेको महाराजगञ्जस्थित मनमोहन कार्डियो थाेरासिक भास्कुलर एन्ड ट्रान्सप्लान्ट सेन्टर पुर्‍याइएको छ।

अस्पताल स्रोतका अनुसार राष्ट्रपति पौडेललाई एक्कासी टाउको दुख्ने र वान्ता हुने समस्या देखिएपछि अस्पताल पुर्‍याइएकाे हाे। हाल उहालाई अस्पतालको भर्ना गरिएकाे छ।

अस्पताल स्रोतले भन्यो, ‘ करिब आधा घन्टा जति भयो उहाँलाई ल्याइएको एक्कासी अस्वस्थ महसुस गरिए पछि ल्याइएको रहेछ हाल प्रारम्भिक स्वास्थ्य परीक्षण भइरहेको छ।’