धार्केमा अन्तराष्ट्रिय वेपत्ता दिवसको अवसरमा अन्तरक्रिया कार्यक्रम सम्पन्न

धादिङको धुनिवेशी नगरपालिका वडा नम्बर ६ धार्केमा अन्तराष्ट्रिय वेपत्ता दिवसको अवसरमा शनिबार  एक कार्यक्रमको आयोजना गरिएको छ । नेपाल रेडक्रस सोसाईटी जिल्ला शाखा धादिङले कार्यक्रमको आयोजना गरेको हो । कार्यक्रममा शाखा सभापती दुर्लभ कुमार तामाङले दिवसको सन्दर्भ र वेपत्ता भएका नागरिकहरु लगायत रेडक्रसले यस अघि गरेका क्रियाकलापहरुको बारेमा सहभागीहरुलाई जानकारी गराउनु भएको थियो । कार्यक्रममा सहभागीहरुले राज्यबाट अझै सम्म न्याय नपाएको गुनासो गरेका छन् ।

शाखाका सभापती दुर्लभ कुमार तामाङको अध्यक्षतामा भएको उक्त कार्यक्रममा धादिङका प्रमुख जिल्ला अधिकारी विजयराज सुवेदीको प्रमुख आतित्थ्यता रहेको थियो । यस्तै बेपत्ता परिवार समाजका केन्द्रिय सदस्य राम बहादुर भण्डारी, वेपत्ता परिवार समाजका जिल्ला अध्यक्ष टिकानाथ कडेल लगायतको आतित्थ्यता रहेको थियो । नेपालमा १० वर्षे शसस्त्र द्धन्दका क्रममा धादिङका २४ जना अझै वेपत्ता रहेको नेपाल रेडक्रस सोसाईटीको तथ्याँङ्कमा उल्लेख छ ।

उक्त कार्यक्रममा रेडक्रसका पदाधिकारी सहित वेपत्ता पारिएका व्यक्तिको परिवारका सदस्यहरु सहभागी थिए ।