महादेवबेसीमा हरितालिका तीजको अवसरमा बृहत सांस्कृतिक कार्यक्रम सम्पन्न

धादिङ:    थाक्रे गाउँपालिका-६, महादेवबेसीमा अवस्थित मिलीजुली महिला बचत तथा ऋण सहकारी संस्था लि.को आयोजनामा नेपाली महिलाहरूको महान चाड हरितालिका तीजको अवसरमा बृहत सांस्कृतिक कार्यक्रम सम्पन्न भएको छ।

कार्यक्रममा सहकारीका अध्यक्ष उर्मिला रेग्मीको अध्यक्षता रहेको कार्यक्रमका प्रमुख अतिथि पुर्व सांसद तथा नेकपा एमालेका जिल्ला अध्यक्ष भुमि त्रिपाठी रहनु भएको थियो । यस्तै विशिष्ट अतिथिका रूपमा थाक्रे गाउँपालिकाका अध्यक्ष रामकुमार आचार्य रहनु भएको थियो।

साथै, कार्यक्रमलाई थप गौरवमय बनाउन विभिन्न वडाका वडा अध्यक्षहरू, विभिन्न संघसंस्थाका प्रमुख तथा प्रतिनिधिहरू र स्थानिय समुदायको उल्लेख्य उपस्थिति रहेको थियो।

कार्यक्रममा कलाकारहरूले तीज गीत, लोक गीत र नृत्यमार्फत प्रस्तुति दिएका थिए, जसले दर्शकहरूलाई अत्यन्तै मनोरञ्जन र तीजको सांस्कृतिक महत्वको अनुभूति गराएको थियो।

सहकारीले यस प्रकारको कार्यक्रम आयोजना गरी सामाजिक, सांस्कृतिक र महिला सशक्तिकरणमा पुर्‍याएको योगदान उल्लेखनीय रहेको बताइएको छ। कार्यक्रममा सहभागी अतिथिहरूले तीज पर्वले महिलाबीचको एकता, मेलमिलाप र संस्कृतिप्रतिको सम्मान झल्काउने बताउँदै सहकारीलाई धन्यवाद ज्ञापन गरेका थिए।

सहकारीले बिगतका दिनहरुमा पनि यस्ता कार्यक्रम हरु गर्दै आइरहेको सहकारीका अध्यक्ष उर्मिला रेग्मीले बताउनु भयो।