धुनिवेशी-७ स्थित नृवेश्वर महादेव मन्दिर परिसरमा “तिज विशेष बृहत साँस्कृतिक कार्यक्रम सम्पन्न

धादिङ:  राष्ट्रिय लोक साँस्कृतिक संघकाे आयोजनामा तथा राष्ट्रिय संगीतकर्मी संघ, धादिङ र राष्ट्रिय संगीतकर्मी संघ, धुनिवेशीकाे सह-आयोजनामा “तिज विशेष बृहत साँस्कृतिक कार्यक्रम सम्पन्न भएकाे छ।

धुनिवेशी-७ स्थित नृवेश्वर महादेव मन्दिर परिसरमा आयोजित उक्त कार्यक्रममा तिज पर्वको सांस्कृतिक महत्वलाई उजागर गर्दै विभिन्न लोक तथा तिज गीत, नृत्य तथा प्रस्तुतीहरू प्रस्तुत गरिएका थिए।

कार्यक्रमको संयोजन रुपक परियारले गर्नु भएको थियो भने अध्यक्षता रजनी लामाले गर्नुभएको थियो। कार्यक्रममा प्रमुख अतिथि बालकृष्ण आचार्य र विशिष्ट अतिथि रमेश कुमार आचार्य रहनु भएको थियो।

उक्त कार्यक्रमको मुख्य आकर्षणका रूपमा लोकप्रिय गायक तथा गाईकाहरुले आफ्नो सशक्त प्रस्तुतीमार्फत दर्शकहरूलाई मन्त्रमुग्ध पार्नुभएको थियो। कार्यक्रममा थुप्रै स्थानिय कलाकारहरूको सहभागिताले उत्कृष्ट प्रस्तुतीले माहाेल झन् जीवन्त बनाएकाे थियाे।

यस कार्यक्रममार्फत नेपाली परम्परा, संस्कृति र तिज पर्वप्रतिको सम्मानलाई उजागर गर्दै स्थानीय कलाकार र समुदायबीच सहकार्य र मेलमिलापकाे सन्देश फैलाइएको आयोजकले जानेको छ

।