FLASH NEWS

थाक्रे गाउँपालिकामा तीज विशेष शुभकामना आदान–प्रदान कार्यक्रम सम्पन्न

  • टोलटोलको खबर
  • टोल टोलका कुरा
  • प्रकाशित मिति:
  • २०८२ भाद्र ५, बिहिबार (१ हप्ता अघि)
  • ३९५

    Shares

थाक्रे गाउँपालिकामा तीज विशेष शुभकामना आदान–प्रदान कार्यक्रम सम्पन्न

थाक्रे,धादिङ :   हिन्दू नेपाली नारीहरूको महान चाड तीजको अवसरमा थाक्रे गाउँपालिकामा तीज विशेष शुभकामना आदान–प्रदान कार्यक्रम सम्पन्न भएको छ। बिहीबार गाउँपालिकाको सभा हलमा आयोजित कार्यक्रममा पालिकाभित्र कार्यरत कर्मचारीहरूको सक्रिय सहभागिता रहेको थियो।

कार्यक्रममा पालिकाका निमित्त प्रमुख प्रशासकीय अधिकृत दुर्गा देवी खड्काले शुभकामना दिनु हुदै पालिकाका सबै कर्मचारीहरू एउटै परिवारसरह भएकाले आपसी समन्वयमा कार्यक्रम आयोजना गरिएको बताउनुभयो। उहाँले यस्ता कार्यक्रमहरूले आपसी मित्रता र सहकार्यको भावना अझ मजबुत हुने विश्वास व्यक्त गर्नुभयो।

पालिकाका उपाध्यक्ष यन्त्रबहादुर थापाले तीजको अवसरमा दुःख–पीडा भुली एकआपसमा खुसी साटासाट गर्न आयोजना गरिएको यो कार्यक्रमप्रति धन्यवाद व्यक्त गर्दै यस्तो खालको मिलनले कार्यक्षमतामा समेत सकारात्मक प्रभाव पार्ने धारणा राख्नुभयो।

यस्तै पालिकाका अध्यक्ष रामकुमार आचार्यले पनि कार्यक्रमलाई शुभकामना दिनु हुदै पालिकाले आयोजना गर्नु पर्ने कार्यक्रम कर्मचारीहरूले नै आफैं मिलेर गरेकोमा खुशी व्यक्त गर्नुभयो। उहाँले सबै कर्मचारीहरू एउटै परिवारझैँ भएकाले यस्ता कार्यक्रमहरूले आपसी भाइचारा, मेलमिलाप र तनावमुक्त वातावरण सिर्जना गर्ने उल्लेख गर्नुभयो। साथै, उहाँले तीज महिला मात्रको पर्व नभई महिला–पुरुष सबै मिलेर मनाउनु पर्ने पर्व भएको भन्दै तडकभडक नगरी, आ–आफ्नो क्षमता अनुसार मिलेर चाडपर्व मनाउनु सकारात्मक पहल भएको बताउनुभयो।

कार्यक्रमका संयोजक तथा स्वास्थ्य शाखा प्रमुख कमल कुमार अधिकारीले कार्यक्रम सञ्चालन गर्दै पालिकाको कुनैपनि एक रुपया खर्च नगरी सम्पूर्ण कर्मचारीहरूले व्यक्तिगत योगदानबाट रकम संकलन गरी शुभकामना आदान–प्रदान तथा दर खाने कार्यक्रम आयोजना गरिएको कार्यक्रममा जानकारी गराउनु भएको थियो।
कार्यक्रममा गीत–संगीत, नृत्य र आपसी भेटघाटसँगै उत्सवमय वातावरण रहेको थियो।

हामी सामाजिक सञ्जालमा

ताजा अपडेट

खोजी गर्नुहोस