४९८
Sharesधादिङ: धादिङका गायक उत्सब सुब्बा लामाको आवाजमा नयाँ देशभक्तिपूर्ण गीत ‘नेपाल बन्दैछ आफ्नै देश, फर्क नेपाली’ सार्वजनिक भएको छ। देश विदेशमा छरिएर रहेका नेपालीहरुलाई स्वदेशमै अवसर खोज्न प्रेरित गर्ने उद्देश्यसहित यो गीत उत्सब सुब्बा लामाको आधिकारिक युट्युब च्यानलबाट सार्वजनिक गरिएको हो।
गीतको शब्द सुरेन सिर्जनले लेखेका हुन् भने संगीत, स्वर र निर्देशन स्वयं उत्सब सुब्बा लामाकै रहेको छ। हेमराज डाँगीले एरेन्ज गरेको गीतको रेकर्डिङ महक रेकर्डिङ स्टुडियोमा गरिएको हो।
गीतमा विदेश पलायन भएका नेपालीलाई आफ्नो घर फर्कन, नेपालमै सम्भावना खोज्न र राष्ट्रनिर्माणमा योगदान दिन प्रेरणा दिने सशक्त सन्देश समावेश गरिएको छ।
स्थानीय स्तरमै रहेर पनि गुणस्तरीय संगीत सिर्जना गर्न सकिन्छ भन्ने उदाहरणका रूपमा यो गीत हेरिएको छ। गीतले छोटो समयमै श्रोता-दर्शकको ध्यान तान्न सफल भएको छ।
गित हेर्नको लागि तल को लिंक थिच्नुहोस :