थाक्रेमा सरकारी विद्यालयका गणित विषय शिक्षकहरुको पाँच दिने क्षमता अभिबृद्धि तालिम सम्पन्न

थाक्रे गाउँपालिकाको आयोजनामा एकिकृत सामुदायिक विकास अभियान (ICDC), नेपाल र एक्सनएड नेपालको साझेदारीमा थाक्रे गाउँपालिकामा संचालन भइरहेको स्थानिय अधिकार कार्यक्रम अन्र्तगत सार्वजनिक विद्यालयमा गणित विषय पढाई रहेका विषय शिक्षकहरुको ५ दिने क्षमता अभिवृद्धि तालिम सम्पन्न भएको छ ।

तालिम २०८२ साल साउन २६ गते थाक्रे गाउँपालिकाको अध्यक्ष राम कुमार आर्चायको अध्यक्षतामा शुरु भएको थियो भने समापन पनि उहाँकै अध्यक्षतामा समापन भएको छ । यो तालिम गणित विषयको सिकाई उपलब्धिमा सुधार ल्याउने र विषयगत शिक्षकको क्षमता अभिवृद्धि गर्ने उद्देश्यका साथ संचालन गरिएको हो । तालिम न्यू पाथिभरा होटल, धार्केमा भएको थियो ।

तालिममा २० जना विषयगत गणित शिक्षकहरुको सहभागिता रहेको थियो । तालिममा मुख्यतया गणित विषय पढाउँदा आइपरेका समस्या र समाधान, गणित शिक्षण सिकाई विधि, शिक्षण सामग्री तयारी र प्रयोग, कक्षाकोठा व्यावस्थापन, गणित विषयको पाठ्यक्रम, सिकाई उपलब्धि, सिकाई सक्षमता, नतिजा विश्लेषण, विशिष्टिकरण तालिका, प्रश्न पत्र निर्माण, उत्तर कुञ्जीका तयारी, उत्तरपुस्तिका परिक्षण, विद्यार्थिको प्राकिटिकल÷व्यावहारि÷आन्तरीक÷परियोजना कार्यको मुल्यांकन विधि र अभ्यास आदि विषयबस्तुहरुमा प्रशिक्षण भएको थियो । तालिमकै क्रममा प्रकाश सिंखडाको संयोजकत्व र शिक्षा शाखाको एक जना प्रतिनिधि सदस्य रहने गरी पालिकास्तरिय गणित विषयको सात सदस्यि विषयगत समिति पनि गठन भएको छ ।

समितिले गणित विषयको सिकाई उपलब्धि सुधारको लागि कार्यहरु गर्ने छ । जस्तै गणित शिक्षण सिकाई सामाग्रीहरु पहिचन, शिक्षकको क्षमता अभिबृद्धि, गणित विषयको पाठ्यक्रम, विशिष्टिकरण तालिका अनुसार शिक्षण सिकाई गर्न सहजिकरण, प्रश्नपत्र निर्माण, उत्तर कुञ्जीका निर्माणमा सहजिकरण साथै अन्तिम रुप दिने, अदि लगाएतका कार्यहरु गर्ने छ । जसले पालिकाभरी एकरुपता हुने साथै सिकाई उपलब्धिमा सुधार ल्याउन सहयोग पुग्ने छ । तालिमको सहजिकरण डा.रमेश प्रसाद अवस्थीले गर्नु भएको थियो । तालिममा सहभागिहरुलाई सहभागिताको प्रमाण पत्र पनि वितरण गरिएको थियो ।

तालिम समापनको अवसरमा सहभागिको तर्फबाट सुजिता थापा र प्रकाश सिंखडाले आफ्नो भनाई राख्नुभएको थियो । त्यस्तै कार्यक्रममा थाक्रे गाउँपालिकाका अध्यक्ष राम कुमार आचार्य, प्रशिक्षक रमेश प्रसाद अवस्थी, एकिकृत सामुदायिक विकास अभियान, नेपालका अध्यक्ष गोपाल लम्सालले आफ्ना महत्वपूर्ण भनाईहरु राख्नु भएको थियो ।